Dumpeu In Story

Allahu rabbi nyang Maha Agung
Izin keu ulon karang ceurita
Neubi beumangat badan di ulon
Neuk keumeu suson dua krak haba

Haba bak rangkang lon keumeu rawi
Keu cut kak murni ngon siti haja
Keu cut po lason bacut lon keuti
Bacut lon putie keu umi aseuma

Ka padum minggu that ulon eu kri
Meu haha hihi bak bineh paya
Geu dong le dua di cut kak murni
Peudeuh le gigi, jeukrek le sigra

Kadang bak pinto ka teudong dek ti
Ngon bajei itali, ija hindia
Gereuheung le bacut geupeudeuh gigi
Laju bak story pasang instagra

Geupasang poto nyang puteh gigi
Lheuh geu edit keulayi ngon kinemaster aplika
Geutarek kulet bek leumah pori
Ceulak bak dahi hitam meutaga

Rupa geupeuget laksana si putri
Wajah bak sang hi si aneuk dara
Meunan keuh lagei lawet nyou di Kak Ti
Cit han talo diri ngon cut po aseuma

Ka tuwo keudrou umu ka lawi
Dum peu bak story pasang beurita
Kadang geu maguen reukam di umi
Nyan gule boh bi pih oke cit saja

Kadang ta kalon malei di abi
Lam ija krong meuputi geuculok muka
Dum nan keuh malei di kawom abi
Di kawom umi peuduli hana

Kiban lom lagei wahe e umi
Sadarlah diri bek that teugoda
Bek that ta ikot piasan lam nanggri
Lam neuraka nanti badan geuhila

Meukru seumangat rahmat meuhimpon
Si aneuk tiyong tiwah geulawa
Oh nou keuh dilei keunarang bak lon
Meuah hai ampon jan laen tagisa


#PanteuTeumuleh



Comments

Post a Comment

Popular posts from this blog

SURAT UNTUK SEMESTA

Salam hangat untuk semesta Apa kabar mu di penghujung masa? Aku sebagai hamba agak risau adanya Bagaimana dengan kamu; apakah juga tidak berbeda? Akhir-akhir ini kamu sering mengelinjang Banyak bangunan yang sempoyongan Kubus-kubus kota berantakan Jiwaku ikut terguncang Aku ingin memohon dengan perasaan Bisakah untuk tidak dulu bernapas kencang Tanaman-tanaman rimbun menghijau agar tak tumbang Apalagi bentang sawah ikut kegetiran Aku juga penuh harap sekujur nadir Jangan dulu air mata mu mengalir Hingga paku bumi ikut ke hilir Ataukah ini sudah takdir? Sekian dulu semesta Maafkan kami yang sangat malu menyebut diri hamba Saban saat berbuat nista Saling sikut sesama saudara Apalagi kalau menyangkut harta, nyawa tak berharga Di pojok saung aku meminta Ayat-ayat pendek berupa doa Kami ingin berdamai dengan mu semesta Kiranya wabah engkau telan hingga sirna Dari aku salam cinta #PanteuTeumuleh
Read more

Moto Peuleupeuk Meuriya

Assalamu’alaikom cut lem ngon   yahwa Gileng boh pala keu ubat atoet Ulon keumarang bacut lee sigra Moto peuleupeuk meuriya bacut lon seubut Lon keumeu peugah yoh saboh masa Mantong ananda seumipak teuot Salah meulangkah han meuho mata Moto rumbia meutarek meubahu jilikot Leumpah that seunang masa nyan si baka Deungon aneuknda meuanou jibapot Meuen le moto watei wou sikula Mieng ngon muka habeh meubalot Kadang dikamou keunong seurapa Bajei ngon seulawa ka meubalot-balot Kadang di bajei hitam meuta’a Siluweu aneuknda hitam deungon krot Meuah meulakei nibak ibunda Kon na aneuknda haba han meuturot Kamou that manyak watei nyan masa Rugou ngon laba teupike dilikot Jinou ka sadar kamou ka tuha Laen ceurita haba meubalot Teuseuheh keudrou ingat keu haba Deungon si baka bak pajoh pulot Meuneuen kamou yoh masa muda Seujarah keu haba jinou ta balot Bak jameun jinou seubut millenia Moto rumbia dianggap hana lee patot #Pant...
Read more

Patok Lele

Image
Allah e rabbi nyang peujeut alam Mandum sekalian asou seureuta Peu izin keu kamou keumeu meukalam Kamou meukarang dua krak haba Keu haba jameun masa saboh jan Yoh mantong sigam dijak sikula Yoh mantong sinyak meuen lam kulam Geu groeb ngon boh bhan bak mieng kuala Haba meupeugah bacut meucae Keu patok lele yoh ubiet ananda Yoh mantong ie dong kamou dihile Yoh mantong sabe siluweu hana Deungon trieng tulo gagang meu uke Keu patok lele sijaloh muda Kamou meuhoi ngon oh urou reule Hingga troih sabee jiteuka asa Hana teuingat keu pruet ka caye Glang jimeusu le grak gruk meutaga Kamou that seunang ngon patok lele Han tom meupake meupeugot dawa Meunan piasan tieb urou sabee Oh malam hari meujan pih cit na Meunyo oh beungoh han mungken hase Seubab bak esde watei nyan sikula Krueng bubon rakan ie jih pih mirah Ureung seumeurah ija wareuna Oh nou keuh dilei haba meusurah Singoh ta tameh jan laen masa #PanteuTeumuleh
Read more