Mangrove / Ba’ Bangka Karya: Musafir Kelana Assalamu’alaikom mandum syedara Tuha ngon muda sampou ngon ubeut Lon peutroih saleum keu wareh lingka Di Aceh Jaya saleum teu maktub Bacut le jinou lon surah haba Keu uteun bangka, Mangrove geu seubut Kana di gampong di sayeung nama Jeut cuci mata oh urou seupot Uteun that asri tari lagoina Ekowisata tempat cit ka jeut Ka 1000 ureung kunjong wisata Tuha ngon muda peutrouh meukeusud Na guru-guru dari sikula Na cit di cut da ngon apa suud Na cit cut adek nyang tari rupa Seureuta pemuda rupawan geuh bacut Oh urou minggu keunan ta puta Bineh kuala rigaih nyang ubeut U bineh pasie nyang publou kelapa Peu lale mata keu sinyak cut cut Ta bri pemahaman tanom bak bangka Fungsi that raya keu geulumbang nyang jeut Leubeh lom peunteng ta budidaya Kreung ji meucuca umpueng ji rajuet Ranub seulaseh timoh bineh gle Keu’eung bukon le si capli cina Oh nou keuh dilei haba lon rawe Keumeu jak keumawe u ming kuala #PanteuTeumuleh , 14022021