Beude Trieng

Deungon bismillah haba ta puphon
Saleum ta suson seureuta doa
Haba bak rangkang lon karang jinou
Keu ubat asou buleun puasa

Haba kamou cut sinou lam nanggrou
Masa saboh rou yoh mantong muda
Yoh gohlom mise timoh di kamou
 Yoh goh cut putro galak bak mata

Yoh goh kamou eu hape bak jarou
Yoh goh meurunou mita beulanja
Yoh goh bak facebook pasang foto drou
Yoh goh dek putrou tik tok meubura

Masa nyan kamou na dua lhei drou
Sampeng bak panjou di bineh paya
Beude kamou tot sue leupah tanggou
Beude trieng beuto meuneuen hamba

Watei ka seupot meusapat kamou
Minyeuk meujak blou bak apa karia
Deungon keh kayei meumat bak jarou
Ija broek sagou han sagei lupa

Ngon panyoet culot peuduek le jinou
Trieng beuto bunou kamou tot sigra
Lawan ka siap sideh bak sagou
Tum le keunou sue meutaga

Meunyan piasa te seupot urou
Peulale drou kamou buleun puasa
Hana jak peukaru ureung lam nanggrou
Nyo istilah jinou nge-prank geu nama

Rawot bak deuku peugot go parang
Reukih hana ban si deuku muda
Oh nou keuh dilei haba lon karang
Siat lon tuan kawe geulama

#PanteuTeumuleh

Comments

Post a Comment

Popular posts from this blog

SURAT UNTUK SEMESTA

Salam hangat untuk semesta Apa kabar mu di penghujung masa? Aku sebagai hamba agak risau adanya Bagaimana dengan kamu; apakah juga tidak berbeda? Akhir-akhir ini kamu sering mengelinjang Banyak bangunan yang sempoyongan Kubus-kubus kota berantakan Jiwaku ikut terguncang Aku ingin memohon dengan perasaan Bisakah untuk tidak dulu bernapas kencang Tanaman-tanaman rimbun menghijau agar tak tumbang Apalagi bentang sawah ikut kegetiran Aku juga penuh harap sekujur nadir Jangan dulu air mata mu mengalir Hingga paku bumi ikut ke hilir Ataukah ini sudah takdir? Sekian dulu semesta Maafkan kami yang sangat malu menyebut diri hamba Saban saat berbuat nista Saling sikut sesama saudara Apalagi kalau menyangkut harta, nyawa tak berharga Di pojok saung aku meminta Ayat-ayat pendek berupa doa Kami ingin berdamai dengan mu semesta Kiranya wabah engkau telan hingga sirna Dari aku salam cinta #PanteuTeumuleh
Read more

Moto Peuleupeuk Meuriya

Assalamu’alaikom cut lem ngon   yahwa Gileng boh pala keu ubat atoet Ulon keumarang bacut lee sigra Moto peuleupeuk meuriya bacut lon seubut Lon keumeu peugah yoh saboh masa Mantong ananda seumipak teuot Salah meulangkah han meuho mata Moto rumbia meutarek meubahu jilikot Leumpah that seunang masa nyan si baka Deungon aneuknda meuanou jibapot Meuen le moto watei wou sikula Mieng ngon muka habeh meubalot Kadang dikamou keunong seurapa Bajei ngon seulawa ka meubalot-balot Kadang di bajei hitam meuta’a Siluweu aneuknda hitam deungon krot Meuah meulakei nibak ibunda Kon na aneuknda haba han meuturot Kamou that manyak watei nyan masa Rugou ngon laba teupike dilikot Jinou ka sadar kamou ka tuha Laen ceurita haba meubalot Teuseuheh keudrou ingat keu haba Deungon si baka bak pajoh pulot Meuneuen kamou yoh masa muda Seujarah keu haba jinou ta balot Bak jameun jinou seubut millenia Moto rumbia dianggap hana lee patot #Pant...
Read more

Patok Lele

Image
Allah e rabbi nyang peujeut alam Mandum sekalian asou seureuta Peu izin keu kamou keumeu meukalam Kamou meukarang dua krak haba Keu haba jameun masa saboh jan Yoh mantong sigam dijak sikula Yoh mantong sinyak meuen lam kulam Geu groeb ngon boh bhan bak mieng kuala Haba meupeugah bacut meucae Keu patok lele yoh ubiet ananda Yoh mantong ie dong kamou dihile Yoh mantong sabe siluweu hana Deungon trieng tulo gagang meu uke Keu patok lele sijaloh muda Kamou meuhoi ngon oh urou reule Hingga troih sabee jiteuka asa Hana teuingat keu pruet ka caye Glang jimeusu le grak gruk meutaga Kamou that seunang ngon patok lele Han tom meupake meupeugot dawa Meunan piasan tieb urou sabee Oh malam hari meujan pih cit na Meunyo oh beungoh han mungken hase Seubab bak esde watei nyan sikula Krueng bubon rakan ie jih pih mirah Ureung seumeurah ija wareuna Oh nou keuh dilei haba meusurah Singoh ta tameh jan laen masa #PanteuTeumuleh
Read more